[皂書推介] 《今天起，愛上手工皂！》

學打皂以來，都睇過不少的皂書... 其實每本皂書的內容大同小異，每本都買真係不如留返D錢買其他護膚品好過~所以渺渺打算將我睇過 (買過、或到圖書館借來睇過)既皂書介紹畀大家~

希望打皂新手可以揀到1,2本適合自己的書~  首先要介紹的是這一本！

  《今天起，愛上手工皂！：Step By Step動手做38款寵愛自己的美膚皂》  




作者： 詹玲瑾(花蓮姐)、劉嘉蕙(Elisa)
出版社：雅書堂
出版日期：2009/07/10
語言：繁體中文

適合：新手學做素皂

推介度：★★★★★

市面上的手工皂書大多是台灣人、日本人或外國人寫的，這本是台灣的花蓮姐和Elisa寫的。(不同國藉的人寫的書都不相同呀^^"，我個人比較喜歡日本老師寫的書，遲下再跟大家分享固中原因吧。香港的話，大概還未有達人級的肥皂師出書吧，哈哈，如有請介紹我認識哦。 )

優點：配方簡單易學，新手必備！

一般的皂書通常包含這些部份：

• 一般冷製皂的做法

• 不同CP皂的配方

• Q&A

• 另加液體皂/再生皂的簡單作法

這本書就是屬於最典型最基本那一種，無咩特別，但勝在佢提供的配方所用的油品/添加物數量十分少，例如最簡單的經典321皂配方，就只須用到橄欖油(olive oil)、椰子油(coconut oil)和棕櫚油(palm oil)三種最最最基本的油脂就可以了。

作為初學者，正常都唔會想一下子投放太多資金買很多工具和材料吧....(畢竟未知自己係咪3分鐘熱度嘛=.=")，所以跟著這本書的配方做就簡單得多喇。

我看台灣的皂友都很推薦娜娜媽的皂書給初學者，但我就覺得娜娜媽書中的配方雖好，而且會每個配方也step by step一步步的教你，但當中的配方未免用太多矜貴的油品同精油，我要做好一種皂就先不花一大筆錢....分分鐘無經驗唔成功就真係喊都無謂...加上香港要搵材料都很難，初學者真係搞唔掂呢.......(當然聰明人可以根據自己擁有的油去修改書中配方，但初學者不是人人懂嘛^^")

所以，以配方來說，這本書是強烈推薦畀打皂新手！:)

缺點一：渲染、分層等特別造皂技巧欠奉

世事無十全十美，由於篇幅所限，這本書只集中介紹素皂的做法，其他如渲染、分層等技巧只有輕輕帶過，照著做會完全抓不住成功的竅門呀(LOL...，想學其他技法有其他書推介，哈哈哈)

• 乳皂沒有講到冷油冷鹼的秘訣

• 渲染、分層只有一版的篇幅

• 沒有提供失敗皂的補救方法

缺點二：計算配方的原理不夠詳盡

學打皂的人，除左學點樣令皂可以成功做到，最重要就係認識各種油品/材料的特性，學習點樣根據皂化價、INS值等等去計算同設計配方~ 呢本書有一個小缺點就係佢無講大多呢方面既野，只係望你跟住佢D recipe做就無死咁~ 呢方面其他皂書就比佢優勝喇...

總評：哈哈，好似愈數愈多缺點咁添^__^"...但其實我係幾鍾意呢本書的，簡單易明，就算只係買佢呢本書，都已經可以成功做到皂~而且佢配方多元化，基本上要識既皂都會教你~唔似一d外國人寫的書，recipe係簡單就簡單，但款式超少~

呢篇係渺渺第一篇寫既blog，希望大家可以比d意見、留個comment 啦~:)