邊度買油好?

手工皂最主要的材料就係油
無精油無色粉無乜都得，至少你都要有一種油先打到皂吖...
但偏偏喺香港打手工皂，最令人痛苦...莫過於...

[搵。材。料]

喺香港想買手工皂材料唔係無，有唔少人都出黎開班教學，仲順便做埋材料工具零售，大家只google「手工皂、材料」總係會搵到幾間既...

不過呢d鋪頭，先不論來源是否可靠，但十之八九都真係將價錢mark得好高~=________="

但後來我發覺，以下基本的油品香港的超市/數字屋/價真盞等水貨店都有得賣...而且係超平添

 

• 初榨橄欖油(Extra Virgin Olive Oil)...
  橄欖油算係最易搵到的油品，根據渺渺格價所得，759同價真棧的EV都算最平
  
  759產品
  - Oliveta  / La Espanola (兩款都Made in Spain，會平少少正價四十幾蚊)
  - Sagra (Made in Italy，牌子都出名D，所以貴少少，平時售價$68左右，有時7折$5X就買得到)價真棧
  - 佢會有Bertolli的2L裝，記憶中就只要$12X就買得到，比超市平得多~但就係用膠樽裝既
  (下圖係超市的價格)
  

• 精鍊葡萄籽油(Refined Grapeseed oil) 葡萄籽油質地清爽，適合油性肌膚使用，喺香港都十分易搵到。
  
  不過話說渺渺當初想學人DIY卸妝油(cleasing oil)，聽人講葡萄籽油夠清爽喎(grape-seed oil)，個陣唔識野，去左一間香港專賣手工皂材料既網店買~盛惠$20/100ml...初初以為$20自己買得好平，但原來....葡萄籽油超市都係有得賣既(.\_/.)怒
  
  
  呢隻百佳賣 HK$56.5/750ml...(想起之前買$20/100ml...即係貴左2,3倍...) 我之前仲見過一間有開班教人整手工皂的店...佢賣的葡萄籽油仲成$60/100ml.....真係貴到嚇死人.....而且隻油又唔係organic, 又唔係初榨....完全理解唔到點解賣咁貴x_x...
• 米糠油(Rice Bran Oil)

 米糠油有豐富vit.E，有美白、抗氧化的功效，而且質地清爽，渺渺會用佢黎入皂同做cleansing oil~係我會十分常用的油~~但最平最易搵到的就優品360 ~~$26/500ml, $49/L真係超平呢~~哈哈，香港愈黎愈多呢d水貨店，真係造福人群^3^

• 葵花油(Refined Sunflowers Oil)...

葵花油十分容易酸敗，香港除左冬天果2-3個月係乾之外，其餘時間都又熱又濕...渺渺就唔鼓勵人買葵花油黎整手工皂喇，不過聽講葵花油用黎做油拔法(oil pulling)效果係好好既，所以都推介比有興趣試既人去買枝玩下~

(左圖) Oliveta 葵花籽油，759 有售 　　　(右圖) Olitalia葵花籽油，教協有售